სრულიად საქართველოს კათოლიკოს პატრიარქის ილია II საერთაშორისო-საქველმოქმედო ფონდში, რუსთაველის გამზირი 21 გაიმართება პრესკონფერენცია

პრესპელიზი

პირველად საქართველოში,

მშობლებს ეძლევათ უნიკალური შესაძლებლობა გაარკვიონ აქვთ თუ არა მათ შვილებს მიდრეკილება კრიმინალური ქცევის, ნარკომანიის, ალკიჰოლიზმისა და სხვა მავნე ჩვევების მიმართ.

სრულიად საქართველოს კათოლიკოს პატრიარქის ილია II საერთაშორისო-საქველმოქმედო ფონდის “ანტინარკოტიკული პროგრამის ფარგლებში” დ. უზნაძის ფსიქოლოგიის ინსტიტუტში, სპეციალისტების მიერ შემუშავებული ტესტირების მეთოდით, უფასო ფსიქოლოგიური გამოკვლევა ჩაუტარდებათ ქცევითი პრობლემების მქონე მოზარდებს _ სკოლის მე-6 – მე-12 კლასის მოსწავლეებს.

იმ მოზარდებს, რომელთაც ტესტირების შედეგად აღმოაჩნდებათ ამა თუ იმ ასოციალური ქცევისადმი მიდრეკილება, “ავერსის” კლინიკაში, ჩაუტარდებათ, თავის ტვინის კომპიუტერული ტომოგრაფიული გამოკლვლევა FMRI.

ჩატარებული ფსიქოლოგიურ-ფიზიოლოგიური კვლევის შედეგების საფუძველზე, ექსპერტები დაადგენენ: პრობლემების მქონე მოზარდთან, ასოციალური ქცევის პრევენცია უნდა განხორციელდეს ფსიქოკორექციის მეთოდებით, თუ რეკომენდებული იქნება მედიკამენტური მკურნალობა.