მსახურებაში, რომელიც 5 მარტს შედგა, დმანისისა დააგარკ-ტაშირის, დიდი ბრიტანეთის და ირლანდიის მთავარეპისკოპოს ზენონთან ერთად მონაწილეობდნენ მღვდელმთავარები: მსოფლიო საპატრიარქოს წარმომადგენელი, ეპისკოპოსი ათანასიოსი; ანტიოქიის საპატრიარქოს წარმომადგენელი, მიტროპოლიტი სილუანი; მოსკოვის საპატრიარქოს წარმომადგენელი, მთავარეპისკოპოსი ელისე; რუმინეთის საპატრიარქოს წარმომადგენელი, ეპისკოპოსი ეგნატე სამღვდელოებით. ასევე, სერბეთის და ბულგარეთის საპატრიარქოების წამომადგენელი სამღვდელოება. 

როგორც ლონდონის მაცხოვრის შობის ქართულ საკათედრო ტაძარში აცხადებენ, მართლმადიდებლობის ზეიმზე სხვადასხვა მართლმადიდებლურ ეკლესიებში მსახურება მორიგეობით ტარდება. ამჯერად ასეთი მსახურება ლონდონის ქართულ ტაძარში შედგა. 

ღვთისმსახურებას ესწრებოდა დიდი ბრიტანეთის და ჩრდილოეთ ირლანდიის გაერთიანებულ სამეფოში საქართველოს საგანგებო დასრულუფლებიანი ელჩი, თამარ ბერუჩაშვილი და მრავალრიცხოვანი მრევლი. 

მსახურების შემდეგ სტუმრებისთვის საზეიმო ტრაპეზი გაიმართა