საქართველოს პრემიერ-მინისტრი, ბიძინა ივანიშვილი მსოფლიო პატრიარქს, ბართლომე პირველს დაპირდა, რომ რამდენიმე დღეში, კონსტანტინოპოლის საპატრიარქოში მოინახულებს. ამის შესახებ ბართლომე პირველმა ჟურნალისტებს საქართველოდან გამგზავრების წინ განუცხადა.

როგორც ბართლომე პირველმა აღნიშნა, ბიძინა ივანიშვილმა მასთან საუბრისას განაცხადა, რომ რამდენიმე დღეში იგი გაემგზავრება თურქეთში, სადაც მოინახულებს უწმინდეს ბართლომეს კონსტანტინოპოლის საპატრიარქოში.

თავის მხრივ, მსოფლიოს პატრიარქმა ისურვა, რომ მასთან სტუმრად პარლამენტის თავმჯდომარე დავით უსუფაშვილიც მიბრძანდეს და აღნიშნა, რომ მათ ისევე უმასპინძლებს, როგორც მსოფლიო პატრიარქს მასპინძლობდნენ საქართველოში ყოფნის დროს.