დღეს გათავისუფლებული პატიმრების ნაწილი სამების საკათედრო ტაძარში წირვას დესწრო.

პატიმრებთან ერთად სამებაში იმყოფებოდა საქართველოს სასჯელაღსრულების, პრობაციისა და იურიდიული დახმარების მინისტრი სოზარ სუბარი. მისი თქმით, პატრიარქის იუბილესთან დაკავშირებული საზეიმო დღეების შემდეგ იგეგმება პოლიტ-პატიმრების შეხვედრა პატრიარქთან.

"დღეს დასრულდა ძალიან მნიშვნელოვანი პროცესი. საქართველოში არასოდეს მომხდარა, რომ მთავრობას პოლიტ-პატიმრების არსებობა ეღიარებინა. ისინი დღეს გათავისუფლდნენ. პატიმრებმა ციხიდან გამოსვლის შემდეგ თვითონ მოილაპარაკეს, რომ მოსულიყვენ სამების ტაძარში და სანთლები დაენთოთ", - აღნიშნა სოზარ სუბარმა.