2012 წლის 8 ნოემბერს  (17 საათზე)  სრულიად საქართველოს კათოლიკოს-პატრიარქის საერთაშორისო საქველმოქმედო ფონდის ინტელექტუალურ-შემეცნებითი სტუდია იწყებს  ახალი პროექტის  - “ახალგაზრდების და სულიერი განვითარების პროგრამა”  განხორციელებას, რომლის მიზანია ახალგაზრდების საზოგადოებრივი ჩართულობის ამაღლება.

პროგრამაში მონაწილეობს ასამდე  18-დან 25 წლის ასაკის ახალგაზრდა თბილისის სახვადასხვა უმაღლესი სასწავლებლებიდან.

პროექტი ხორციელდება საერთაშორისო ორგანიზაცია “World Vision” –ის მხარდაჭერით.

სალექციო კურსი მოიცავს შემდეგ მიმართულებებს:

• ქრისტიანული ფსიქოლოგია;

• არქეოლოგია და ისტორია;

• ძველი და ახალი აღთქმა;

• ქრისტიანული ხელოვნება და სიმბოლიკა;

• ტრადიციული რელიგიები;

• პროფესიული ურთიერთობები.

ლექციებს წარუძღვებიან ცნობილი მეცნიერები და პედაგოგები.  ლექციების კურსის ხანგრძლივობა შეადგენს 6 თვეს. სტუდიაში სწავლა უფასოა. დამთავრების შემდეგ გაიცემა შესაბისი სერთიფიკატი.

პროექტის პრეზენტაცია შედგება 2012 წლის 8 ნოემბერს 17 საათზე პატრიარქის ფონდის ოფისში (რუსთაველის გამზ. 21, ტელ: 298 49 76).

სრულიად საქართველოს კათოლიკოს-პატრიარქის საერთაშორისო საქველმოქმედო ფონდი