სრულიად საქართველოს კათოლიკოს-პატრიარქის, ილია მეორის ლოცვა-კურთხევით შექმნილი მხატვართა ჯგუფი სამების საკათედრო ტაძრის მოხატვას იწყებს. ჯგუფს მხატვარი ამირან გოგლიძე ხელმძღვანელობს. ტაძარში ხარაჩოების მოწყობის დასრულების შემდეგ ტაძრის მოხატვა დაიწყება.

საკურთხევლის თავზე დაგეგმილია მაცხოვრის ფრესკის მოხატვა.

ამასთანავე, პატრიარქის თქმით, სამების ტაძარს კვიპაროსის 100 ათასი ნერგი შესწირეს. ნერგები დაირგვება როგორც ეკლესია-მონასტრების ეზოებში, ასევე მათი დარგვა მოქალაქეებს საკუთარ კარ-მიდამოებშიც შეუძლიათ. როგორც უწმინდესმა აღნიშნა, ვისაც სურვილი აქვს კვიპაროსი საკუთარ ეზოში დარგოს, მან თხოვნით უნდა მიმართოს სამების ტაძარს, რის შემდეგაც ნერგებს მიიღებს.