ფონდ “ლაზარეში” 23-ე საყოველთაო ნათლობისთვის რეგისტრაცია 30 ივნისს დაიწყება და 2 ივლისის ჩათვლით გაგრძელდება. მსურველებს რეგისტრციის გავლა შეეძლებათ ანჩისხატის ტაძრის ეზოში მდებარე ფონდ “ლაზარეში” 12:00-დან 16:00 საათამდე.

საყოველთაო ნათლობა, სავარაუდოდ, პეტრე-პავლობის მარხვის დასრულების შემდეგ გაიმართება.

შეგახსენებთ, სრულიად საქართველოს კათოლიკოს-პატრიარქის, უწმიდესისა და უნეტარესი ილია მეორის ინიციატივით, ჩვილთა ნათლობას საფუძველი 2008 წელს ნათლისღების დღესასწაულზე ჩაეყარა.

მშობლების სურვილის შემთხვევაში, უწმიდესი ჯვარდაწერილი ოჯახების მესამე და მომდევნო შვილებს ნათლავს.

ამ დროისთვის ილია მეორე 11 907 ბავშვის ნათლიაა.